Kompetansepåfyll innan beredskap

Til høsten startar NORDLAB opp nye kull på fleire fleksible etter- og videreutdanningstilbud ved Nord universitet.

Studia er utvikla i samarbeid med profesjonelle aktørar og er tilpassa behovet i både arbeidslivet og samfunnet. Utdanningane kombinerer nettbasert undervisning med praktiske øvingar, gruppearbeid og simuleringar, og gir deltakarane moglegheit til å byggje nettverk på tvers av ulike beredskapsorganisasjonar og sektorar.

I tillegg blir det brukt gjesteforelesarar få mellom anna beredskapsetatar og næringsliv for å knyte teori og praksis tettare saman.

Haustens studietilbod

Til hausten startar nye kull på desse studia:

• Totalforsvaret
• Helseberedskap
• Kommunalt beredskapssamvirke
• Virksomhetskontinuitet

Studia har nettbasert undervisning med avsluttande fysisk øving og eksamen i Bodø.

Det er mogleg å melde seg på interesseliste allereie no for å få beskjed når søknadsportalen opnar seinare denne månaden. Oppstart er i september, og plassane blir tildelte fortløpande.

Nytt studium utvikla med Norsk Vann

I haust startar også eit nytt studietilbod utvikla i samarbeid med Norsk Vann: Beredskap og krisehandtering i vassbransjen.

Studiet skal bidra til auka kompetanse innan beredskap, krisehandtering og leiing i kommunale og interkommunale vatn- og avløpsverksemder.

Undervisninga blir gjennomført på nett i kombinasjon med fysiske samlingar i Heggedal og Bodø. Interesserte kan melde si interesse innan 25. mai, og dei første studieplassane blir tildelte før sommaren.